A Xunta di que será "exquisita" na tramitación do PXOM vigués e nega que existan atrasos. ..
O xefe do executivo galego, Emilio Pérez Touriño, asegurou hoxe que non existen "atrasos" na tramitación do Plan Xeral de Ordenación Municipal (PXOM) de Vigo e salientou que a Xunta garantirá "ao cen por cen que se cumpre a lei" ao respecto do plan, sobre o que dixo que "hai que ser exquisitos" para dotalo de seguridade xurídica, porque "pode haber intencións a miles de cuestionalo e poñelo en solfa".
Na roda de prensa posterior ao Consello da Xunta, Touriño advertiu de que "non é bo alarma nin presión" neste asunto e insistiu en que o Executivo galego "fai o seu traballo con celeridade e eficiencia", xa que a Consellería de Medio Ambiente "ten practicamente acabado" o seu informe sobre o plan, cuxo expediente recibiu en xaneiro.
Touriño anunciou que o ditame "sairá de contado", concretamente "en cuestión de días", aínda que non quixo avanzar en que sentido irá a decisión da consellería, que pode eximir ao PXOM vigués de ter que presentar un informe de avaliación ambiental estratéxica ou concluír que debe pasar este trámite. Sen querer "especular", advertiu de que a realización deste trámite "supera o ano", o que si atrasaría a aprobación do PXOM.
Finalmente, o dirixente galego explicou que unha vez que Medio Ambiente emita o seu ditame, será a Consellería de Política Territorial a que deba darlle a aprobación definitiva ao PXOM. Nese sentido, lembrou que María José Caride comprometeuse a reducir a un mes o prazo de tres meses que ten para pronunciarse sobre o plan vigués.
Ningún comentario:
Publicar un comentario
-Non se aceptan os comentarios con contidos, enlaces ou nomes de usuarios que se consideren insultantes, difamatorios ou contrarios ás leis españolas.
-Non se admiten comentarios de contido racista, sexista, homófobo ou discriminatorio por razóns de nacionalidade, sexo, relixión, idade ou calquera tipo de discapacidade.
-Non se admitirán os ataques nin insultos aos outros participantes no sistema de comentarios.
-Non se admiten comentarios con contidos ou enlaces que se consideren publicidade, spam, pornografía ou material protexido por dereitos de autor.
-Alternativa Veciñal resérvase o dereito a eliminar os comentarios que non se axusten a estas normas e as leis.
GRAZAS POLO SEU COMENTARIO.