CONSELLERÍA MEDIO AMBIENTE, UN MONSTRO

"A planta de Sogama en Cerceda é un monstro que só trata a metade dos contedores que chegan, e recicla unicamente un 14%".
..

A planta de Nostián, que trata os residuos de toda a comarca da Coruña co sistema de maior garantía medioambiental de todos os implantados en Galicia, só recicla o 55% das lixos que recibe, segundo admitiu a concelleira de Medio Ambiente, a socialista Nieves Vázquez, nun pleno extraordinario sobre o estado da planta. Aínda que o obxectivo da reciclaxe era dun 72%, Manuel Vázquez, Conselleiro de Medio Ambiente, defendeu que o sistema de tratamento da Coruña é a mellor opción e a máis comprometida coa sostenibilidade, posto que "trata un 100% dos residuos, mentres a planta de Sogama en Cerceda é un monstro que só trata a metade dos contedores que chegan, e recicla unicamente un 14%".
Nostián foi o emblema da conversión ao ecoloxismo do goberno local despois do derrumbe, en setembro de 1996, de miles de toneladas de lixo acumuladas no escorredoiro de Bens, e foi deseñada para tratar separadamente a materia orgánica e a inorgánica. Coa primeira elabórase compost para xardinería ou agricultura e da súa descomposición controlada obtense enerxía. Os rexeitamentos da inorgánica, despois dos aproveitamentos clásicos de papel, vidro ou metal, almacénanse e destínanse á planta de Sogama.
O problema é que as deficiencias no deseño da planta foron acumulando as toneladas de materia sen tratar, segundo reiterou a oposición practicamente desde a súa posta en marcha, en xaneiro de 2002.