.
Altas doses de mercurio nun área marisqueira de Pontevedra.
...Análise de Greenpeace detectaron nun área marisqueira de Lourizán (Pontevedra) unha dose de mercurio que triplica a presenza normal desta sustancia en chans non contaminados. Esta zona marisqueira, denominada punta Praceres, coincide, segundo a agrupación ecoloxista, co lugar onde a empresa de cloro Elnosa vertía os seus efluentes ata 2003. Para Greenpeace, esta persistencia da contaminación cinco anos despois de que se suspendesen as verteduras alerta "dos parámetros" de toxicidade que presentan os derrames que a compañía realiza actualmente mar dentro, fronte á illa de Tambo.
Os sedimentos recollidos na praia presentan 1,5 miligramos de mercurio por quilo, mentres que a cantidade deste metal nun río non contaminado, por exemplo, está por baixo dos 0,4 miligramos. "Elnosa opera pondo en risco a saúde dos galegos e o medio ambiente", afirma Sara do Río, de Greenpeace. Os ecoloxistas aseguran que o metal, ao entrar en contacto coa auga, transfórmase en metilmercurio, unha sustancia "sumamente tóxica" que pasa á cadea alimentaria.
Elnosa leva funcionando ao pé da ría de Pontevedra desde 1966 e ten permiso para seguir facéndoo ata 2011. A factoría utiliza a técnica de celas de mercurio, unha tecnoloxía para producir cloro que, segundo Greenpeace, foise substituíndo no resto de Europa polo seu carácter contaminante. Oito das nove plantas do sector en España optan por este sistema "obsoleto" que, co permiso do Goberno, poderán manter ata 2020, a pesar de que as recomendacións europeas animan a desterralo en dous anos.
Ningún comentario:
Publicar un comentario
-Non se aceptan os comentarios con contidos, enlaces ou nomes de usuarios que se consideren insultantes, difamatorios ou contrarios ás leis españolas.
-Non se admiten comentarios de contido racista, sexista, homófobo ou discriminatorio por razóns de nacionalidade, sexo, relixión, idade ou calquera tipo de discapacidade.
-Non se admitirán os ataques nin insultos aos outros participantes no sistema de comentarios.
-Non se admiten comentarios con contidos ou enlaces que se consideren publicidade, spam, pornografía ou material protexido por dereitos de autor.
-Alternativa Veciñal resérvase o dereito a eliminar os comentarios que non se axusten a estas normas e as leis.
GRAZAS POLO SEU COMENTARIO.