AVECÍÑASE A CORRUPCIÓN URBANÍSTICA CO PP

Os promotores piden que Feijóo deixe construír de novo na costa.

,

Aproin cre que a norma que veta edificar a 500 metros do litoral afunde moitos municipios.

.

A moratoria provisional imposta polo Goberno galego, agora en funcións, á construción a menos de 500 metros da costa (lei de medidas urxentes de protección do litoral) debería ter os seus días contados, xa que finaliza a súa aplicación o próximo 17 de maio e o novo Executivo autonómico non prevé a súa renovación. Os promotores están de acordo.

O PP prevé unha nova ordenación e a aplicación mentres tanto da Lei de Costas, que veta a edificación a menos de 100 metros do mar. Isto non quere dicir que se vaia a permitir construír en todo o litoral, senón que haberá unha ordenación precisa de zonas protexidas, pero non todas.

O presidente de Aproin e da patronal galega dos promotores trasladará ao próximo presidente galego, Alberto Núñez Feijóo, a opinión do sector de que se protexan as zonas que o necesiten, con regras claras e precisas, pero que non se castigue a toda Galicia, iso non ten ningún sentido e resulta totalmente absurdo. Nós vemos un cambio de orientación en sentido positivo, animando a construción en franxas turísticas pero aceptando que debe haber protección nas zonas que a Xunta considere, aclarou o presidente dos promotores. Sobre este aspecto, Feijóo xa advertiu de que antes de finalice o ano teremos unha costa ordenada e con principios e un urbanismo transparente.

Fai falta un acordo co Concello para desenvolver o PXOM, di Garrido

Javier Garrido tamén considera fundamental buscar un compromiso para desenvolver o Plan de Urbanismo logo de constatarse o seu fracaso nos seis primeiros meses desde que entrou en vigor. Desde finais de agosto, o PXOM apenas puido tramitar unha ducia de novas licenzas, mentres que no mesmo período acumuláronse máis de medio centenar de recursos ante os tribunais contra a totalidade do documento ou algunha das súas propostas, o que supón unha ameaza latente. Segundo Garrido, a solución debería pasar por un acordo que permita ampliar as posibilidades do Plan a través dunha mesa de traballo.

En paralelo, considera que o novo Goberno galego ten amplas competencias para realizar un esforzo en Vigo e ata intervir directamente. A Consellería de Vivenda presentara un plan sectorial que contemplaba actuacións puntuais en doce zonas da cidade, o que esixía á súa vez modificacións puntuais do planeamento. Segundo Garrido, a nova Xunta debería continuar adiante con esta iniciativa para garantir o desenvolvemento do Plan. Claro que o alcalde Abel Caballero non está de acordo e mantén que o PXOM basta.