A ENÉSIMA DE RAJOY

Continuando cos seus eslóganes baleiros e cargado de razón oio na radio dicir a Rajoy algo parecido a; comprender que se queremos que a xente entenda os sacrificios que teñen que facer, temos que dar exemplo. A continuación pensei; vanse a rebaixar os salarios todos os cargos políticos. Van prescindir de todos os privilexios que teñen e que custan tanto diñeiro ás arcas públicas. Despedirán aos seus miles de cargos de confianza tan custosos para o país e inútiles. Pero non, a frase tiña outra interpretación, Rajoy dirixíase aos presidentes autonómicos aos que pedía dese xeito o sacrificio de rebaixar o déficit ao 1,5 % nas súas comunidades. Coma se as autonomías fosen da súa propiedade e cos recortes nunha comunidade autónoma sacrificanse eles e non a poboación. Ou que aos pagáns de sempre gústenos máis que recórtennos desde a autonomía.
Decátate Rajoy; os que sufrimos os recortes somos os traballadores non os políticos, pois estes non quedan sen cobrar e seguen gañando o mesmo tendo os mesmos privilexios. Unha vez máis a utilización "errónea" da mensaxe, que ao dicilo como sentenza e repetido ata a saciedade polos medios de comunicación, a xente pode entender que realmente están facendo sacrificios. Malintencionado?  R.M.M.