A PAISAXE DE GALICIA

Entrevista: Francisco Díaz-Fierros

A paisaxe de Galicia será mediterráneo en 50 anos

.

As evidencias científicas que constatan o cambio climático en Galicia, permitiron onte ao catedrático de Edafología da Universidade de Santiago, Francisco Díaz-Fierros, imaxinar como será a rexión galega dentro de 50 anos. "Tanto se as cousas seguen igual coma se a nosa actitude fronte ao problema mellora, en Galicia dominará o clima mediterráneo fronte ao templado", asegurou na conferencia que impartiu en Santiago con motivo do Día do Medio Ambiente, dedicado este ano ás consecuencias do cambio climático.

O equipo de Díaz-Fierros atopou a zona á que se parecerá a paisaxe de Galicia no futuro: a Beira Alta portuguesa. En cinco décadas a vexetación desta zona do país veciño será aproximadamente a que teñamos aquí.

O arrequecemento global non afectará de xeito igual a todo o territorio galego. Se as emisións de CO2 non diminúen, o norte de Galicia sufrirá, "moi probablemente", un aumento de temperatura de entre dous e tres graos centígrados. Segundo estas mesmas previsións, será o sur da comunidade a que máis padecerá o arrequecemento, cun aumento de cinco graos. Os datos do Observatorio da Coruña ofrecidos polo catedrático reflicten un aumento dos valores de temperatura en 1,5 graos, "superior ata á media global".

Aumento de incendios

O aumento da seca e as altas temperaturas elevarán os próximos 30 anos un 30-40% o risco de incendios forestais. "Temos todas as condicións para que crezan dunha forma inequívoca", afirmou Díaz-Fierros, indicando que a cifra variará en función de como actúe a sociedade.

Non se observan con todo cambios na cantidade de precipitacións, que continúan na media de anos anteriores, aínda que máis concentradas. A pesar diso, o derretimiento do xeo dos polos do planeta provocou en Galicia un aumento en 20 centímetros do nivel do mar, que podería aumentar ata 80 dentro dun século, "dependendo da velocidade do cambio climático".

Onde si é evidente a variación é nas xeadas. "A primeira do ano vaise atrasando e a última adiantando", di Díaz-Fierros. O exemplo máis claro atopámolo en Lavacolla (Santiago): nos últimos 30 anos o período sen xeadas aumentou nada menos que 52 días, así como en Ourense (38 días) e Lugo (11 días).

Aínda que non todo son datos negativos. O cambio climático traerá, segundo o edafólogo, unha expansión da área da vide. "Ata no cantábrico poderán crecer", explica, "mentres que en Betanzos ademais, mellorarán os viños brancos e afianzaranse as cepas de viño tinto". "Nalgúns aspectos as consecuencias do cambio climático poderán ser aproveitables", indica, "teremos que adaptarnos ao futuro".