EXPOSICIÓN PÚBLICA DO PXOM

Os autores do Plan Xeral advirten de que os cambios forzan a súa exposición pública

.

Se se reforma o Plan Xeral, ¿débese expor ao público? O equipo redactor -Consultora Galega-, teno claro. Si. Axustándose á Lei do Solo de Galicia, a incorporación dun 40% de solo para vivenda protexida no documento actual considérase "unha modificación substancial", polo que sería necesario retrotraer todo o proceso ata a orixe. É dicir, hai que introducir os cambios e sometelo á opinión pública, contestar as alegacións, aprobalo provisionalmente e remitilo á Xunta. Unha tramitación que se iría moito máis alá de decembro, tendo en conta que incorporar só esta petición municipal suporía, polo menos, dous meses de traballos.

O director do equipo redactor do plan, Juan Ignacio Zumárraga comunicoullo onte á concelleira de Urbanismo, Carmen Silva coa que se reuniu durante case tres horas. Neste tempo puido coñecer, por encima, algúns dos cambios que pretende introducir o goberno local no documento. Seranlles remitidos por escrito o máis breve posible para que a consultora póñase a traballar, se é posible a principios de setembro.

Lonxe de calquera valoración política, o arquitecto mostrábase onte rotundo ao afirmar que se fixeron "dúas promesas incompatibles: introducir o 40% do solo para vivenda protexida e aprobar o Plan este ano".

Segundo este experto, só esta petición suporía "reelaborar todo o plan xa que implica cambiar moitas cousas, entre elas os parámetros económicos porque se non o Plan quebaría". E facendo unha estimación sen aínda coñecer a fondo as esixencias municipais "suporía polo menos dous meses de traballos".

Despois tería que ser aprobado polo Concello, sometelo a exposición pública polo menos durante un mes, contestar as alegacións, acometer a aprobación municipal provisional e remitilo á Xunta para que culmine o proceso, que aínda non comezou.

Zumárraga asegurou onte que a exposición pública "é o que máis nos preocupa", e entendeu que este escoyo poderíase salvar se se aproba a nova Lei do Solo de Galicia, que "ao parecer" incorporaría a obrigación de reservar ese 40%.

Ademais habería unha esixencia municipal que o director deste equipo redactor entende que "é moi difícil de cumprir e nalgúns casos imposible" que é destinar o 40% dese solo en todos os ámbitos de construción, non no global do planeamento de Vigo. Zumárraga entende que esta decisión podería dar lugar "a situacións sociais insostibles" espertando, por exemplo, a especulación na venda de vivenda protexida nas zonas máis caras da cidade.

A pretensión do Concello é que Consultora Galega elabore esta reforma do Plan Xeral evitando os custos, pero a sociedade non ten a mesma opinión.

Foi o mesmo Zumárraga o que sacou o tema no transcurso da reunión. "Haberá que facer números porque é totalmente razoable". Desde a empresa enténdese que coa presentación do Plan Xeral, a sociedade concluíu o seu traballo "que cada nova corporación queira unha revisión, non quere dicir que o traballo estea inconcluso".

Publicado no Faro de Vigo