REVOLUCIÓN CIENTÍFICA

O plan da Cidade do Mar provoca a protesta de investigadores do CSIC

.

Un grupo de científicos tacha o proxecto de "pésimo, excluínte e pouco integrador"

.

A futura Cidade do Mar enfróntase a un dobre problema urbanístico e científico. O plan para crear nos antigos terreos militares da ETEA en Vigo un gran centro de investigacións mariñas, apoiado por Zapatero e Touriño, carece aínda do chan necesario para botar a andar, debido ao atraso do convenio polo que a Xunta adquirirá a propiedade ao consorcio da Zona Franca de Vigo.

Os problemas non acaban aí: o proxecto científico elaborado por unha comisión de expertos xerou unha polémica entre investigadores galegos, liderada polos do Instituto de Investigacións Mariñas de Vigo (IIM), o centro que debe capitanear a futura Cidade do Mar.

Entre a comunidade científica galega esténdese a opinión de que as dificultades urbanísticas e o elevado orzamento do proxecto levaron á Xunta a desentenderse do mesmo, a pesar de que o promove en colaboración co Centro Superior de Investigacións Científicas (CSIC) e as tres universidades. É a opinión do científico do Instituto de Investigacións Mariñas de Vigo Antonio Figueras, considerado o pai da idea.

A estes problemas únese a controversia xerada polo proxecto científico, un documento de 98 páxinas elaborado por un grupo de traballo e que motivou a protesta de 20 investigadores, todos eles vinculados ao IIM, pertencente ao CSIC. Entre eles atópase o propio Figueras, que a pesar de formar parte do grupo encargado de elaborar o documento científico desmárcase del pola súa "escasa calidade". "Nin sequera traduciuse ao inglés, para que circule entre os expertos internacionais en investigación", laméntase.

.

mais información, aquí...