Como todas as primaveiras cada catro anos xa temos encima, para a nosa desgraza, a campaña preelectoral das eleccións locais e autonómicas. Como sempre, pero cada vez un pouco peor. O nivel de ridículo, insensatez e malgasto que se alcanza na toleada campaña de "inaugura que algo queda" parece non ter límite. Hospitais sen acabar, xardíns sen arboledo, escolas sen dotación, piscinas municipais sen auga, aeroportos sen avións e ¡ata maquetas! A reacción a bote pronto é un sorriso cando non unha aberta gargallada, pero no fondo queda un regusto amargo ante o evidente menosprezo intelectual da maioría de políticos cara aos cidadáns. Tómannos literalmente por estúpidos. Queren captar o noso voto a cambio de catro abalorios.
Pero o peor de todo é que logo son votados, elixidos e ata aclamados. E encima somos os cidadáns os que pagamos a festa. É urxente que nolo fagamos mirar, como se di coloquialmente
Ningún comentario:
Publicar un comentario