QUE NOS PASA?

Algún día haberá que facer algo, de verdade e en serio. Levamos 3 anos de pancartas, manifestacións, corros na rúa e discursos e a única solución que nos ofrecen é poñernos nas mans un voto cada catro anos, que, por outra parte, utilizamos para elixir os mesmos que cremos con gran responsabilidade na situación que criticamos.

Que nos pasa? Fundamentalmente medo, inoculado en cada noticieiro, en cada artigo xornalístico, en cada canto de internet. Abandonade toda esperanza, é a mensaxe repetido e teimuda, fóra disto que vos está a escravizar, que vos está a deteriorar a vida como non puidestes imaxinar que cambiaría hai tan só catro anos, fóra disto, de mafias que gobernan o mundo, do cinismo exhibido con orgullo, fóra disto está un inferno aínda peor, pois só sodes pobres homes que naceron e se educaron para traballar, que non sabedes de economía, de política, do xusto e inxusto, do eficaz e do razoable.

Ide ao cine, seguir traballando, loitando na esperanza de que as cousas se arranxarán e brotes verdes anunciarán o futuro que vos estamos a preparar, non vos metades en cousas que non entendedes, esquézasevos todo, traballade e intentade divertirvos, fútbol, tele, cine, pornografía...tantas cousas que facer, coas que aturdieron para non pensar en cousas que non entendedes, non sexades necios, deixádenos que guiemos ao mundo dende os nosos selectos clubs, Bilderberg, FAES, Juan de Mariana, FMI, Banco Mundial, Consello da UE. Facémolo todo para vós pero sen vós, non intentedes metervos en algo para o que non estades preparados, depositade o voso voto que xa sabemos cual será pois o medo a cambiar as cousas vos terá sido convenientemente inoculado a través dos medios de comunicación.
Sede bos, hijitos.