CORRUPTO

O Presidente do Goberno Mariano Rajoy, no seu discurso de apertura do Debate sobre o Estado da Nación afirmou rotudamente que España non é un país de corruptos e afeounos a todos os que nos facemos eco dos escándalos que asolan maioritaria aínda que non exclusivamente ao seu partido, que deramos esa mala imaxe de España.

Ademais de corrupto, que si non o é por ser beneficiario directo do unte que o seu partido recibía a cambio de concesións ou contratos, se o é por complicidade manifesta por boicotear a acción da Xustiza, é un sablista, farsante, embusteiro, ventajista e truán que empregou moito xogo sucio para encubrir o que acontece no seu partido, recriminando os demais erros do pasado xa xulgados e superados. Esquece que os cidadáns non esquecemos que só un defecto de forma evitou unha condena por financiamento ilegal do seu partido no caso Naseiro.
Foi capaz de recriminar actitudes sen o máis mínimo pudor, inconsciente de que a rabiosa actualidade, da que medios e xornalistas profesionais informan, lle sitúan no centro dun sistema de prácticas ilegais e inmorais que fan deste país o faime rir do resto do mundo, porque aquí dentro as bágoas e os suspiros, a congoxa e o medo, están instalados en millóns de cidadáns e cidadás que non merecemos esta representación.
Tedes que seguide defendendo o dereito á información por ser de interese xeral e un indicador de saúde democrática, a pesar de que este e os que son como el dispoñan a súa artillaría para culpar aos medios e xornalistas críticos da perda de imaxe e credibilidade.
A tarefa non será doada, e mesmo será ingrata, pero os que optamos por medios e profesionais independentes como fontes de información estámosvos agradecidos de todo corazón ao sentirnos parte dun proxecto cuxo fin é desprazar ao tirano e corrupto, sexa do partido que sexa, do exercicio de goberno.