AS ENQUISAS AFEAN A ABEL CABALLERO

Unha sondaxe encargada pola contorna do rexedor reflexa a falta de identificación da cidadanía co labor do Goberno local.

.

Persoas da contorna estratéxica do alcalde de Vigo entregáronse nas últimas semanas á tarefa de intentar medir o nivel de aceptación cidadá do propio Abel Caballero e do seu Goberno, tanto do socialista como do nacionalista. Tratábase de pesar como está calando logo de seis meses a tarefa de goberno do alcalde, como foi asimilado polos contribuíntes a resolución dada ao Plan Xeral, e ademais ver de xeito empírico -non como din os aduladores do poder, porque todos os que detentan o poder rodéanse fundamentalmente de aduladores- como se percibe entre os cidadáns a sintonía entre as dúas formacións do executivo local.

Para facerse unha idea de cal foi o resultado da consulta -por certo, non pagada con fondos públicos, polo menos de xeito directo- baste dicir que o traballo demoscópico foi gardado e moi gardado (algún asegura que ata destruído) para que non vexa a luz nunca, polo menos sen maquillar.

Concelleiros socialistas do equipo de Caballero preguntados pola sondaxe de opinión, só atrévense a empregar un cualificativo para resumir as conclusións, «a enquisa é mala, moi mala para nós». Ese «nós» é extensivo tanto ás filas socialistas como ás que encabeza Santiago Domínguez, en cuxo grupo, por certo, non se coñece o traballo demoscópico máis que por afastadas referencias escoitadas nos corredores do consistorio.

Resposta crítica

O caso é que os vigueses móstranse críticos coa tarefa e o estilo de , coa saída dada ao PXOM e ata co escaso nivel de entendemento e sincronía que advirten no executivo de coalición.

Por iso, non é de estrañar que ás portas da campaña electoral das xenerais trátese de ocultar a ditosa enquisa, que viría cuestionar o optimismo co que, sobre todo, os socialistas vigueses presentan o balance dos seus primeiros seis meses de goberno.

Dúas conclusións

Os resultados do traballo chegaron a instancias superiores do PSOE, onde se dan dous tipos de interpretacións. Os que aínda non cuestionan o perfil do alcalde consideran que o resultado é en parte lóxico, dado que o equipo de goberno tivo que facer fronte a un auténtico miura, como o é o Plan Xeral e o ataque que o mundo do ladrillo e outras organizacións realizaron contra a implantación dunha porcentaxe de vivendas sociais en todos os ámbitos que leven a cabo na cidade, (nuns en maior cantidade que noutros, dependendo do poder dos seus promotores).

Temor ante o 9 de marzo

A outra versión, a menos favorable a Abel Caballero, estima que o ex ministro non está conseguindo respaldos visibles e sinceros e temen que iso se traduza nas próximas eleccións xerais. Serán eles os que na noite do 9 de marzo estarán coa calculadora na man, pesando se o actual rexedor entregouse con eficacia á procura de votos en Vigo, ou obviar a tarefa que capitaneou presentando a candidatura a pasada semana.

Satisfacción popular

Onde a enquisa caeu como un agasallo foi no PP. «Se as eleccións municipais fixésense agora, gañabamos por maioría absoluta seguro, teriamos os mil e pico votos que nos faltaron o ano pasado e máis tamén», mantén un dirixente popular coñecedor do runrún que a sondaxe xerou no Concello. Quizais por iso Corina Porro aproveitou o proceso de confección de listas no seu partido para rexeitar dar o salto á política estatal desde o Congreso e recordar que ten toda a intención de presentarse como candidata á alcaldía por terceira vez nos comicios locais do 2011. «Ata as enquisas do PSOE apóiana», di un destacado militante do PP vigués.

.

la voz de galicia...

.

Xa o decía Alternativa Veciñal, o Sr. Touriño equivocouse na presentacion de Abel Caballero para Alcalde Vigo. Abel Caballero, home da triste figura, prepotente, arrogante e roces de dictador, non pode seguir no Concello, o mesmo que seu delfín Carlos Font a voz de seu amo, Xulio Calviño o atizador da policía local e tamén o impresentable Santi Dominguez o mentireiro do PXOM, o próximo paso democrático é que presenten os catro a dimisión.