O TALÓN DO PLAN XERAL DE VIGO

Pasou un ano desde a aprobación parcial do Plan Xeral de Ordenación Municipal (PXOM) de Vigo e, aínda que 21 representantes do lobby inmobiliario clamaban por unha urxente aprobación para empezar a construír, aínda non se puxeron ao choio. Nestas circunstancias, e tendo en conta que a Consellería de Medio Ambiente esixiu ao Plan "unha estratexia de ocupación que fixe a orde de prioridade e as condicións temporais e indicadores que se deben observar para a incorporación progresiva de cada ámbito ou sector ó tecido urbano coa finalidade de garantir un grao axeitado de compacidade, un consumo responsable do territorio e un adecuado ritmo de desenvolvemento dás infraestruturas e equipamentos", devandito atraso aplicase automaticamente a todo o Plan. Isto supón as seguintes preguntas:

1.Qué pasará coas obras previstas no primeiro cuadrienio se, nese tempo, non se inician?

2.Qué pasará coas actuacións contidas no segundo cuadrienio se non están terminadas ou iniciadas as do primeiro?

3. Por fin, se o Plan é anulado nos tribunais, atreverase o partido que goberne no Concello de Vigo, nese momento, a recorrer?

O Plan xa era inviable, ambiental, xurídica e socialmente. Ademais contiña importantes irregularidades financeiras xa postas en evidencia por Alternativa Veciñal. Pero o que a crise actual revelou é a existencia dun novo punto débil, e é o seguinte: Se o desenvolvemento do Plan está baseado na iniciativa privada, é a iniciativa privada a primeira que ten que estar de acordo co Plan; e se esta iniciativa con animo de lucro se desanima cunha maior porcentaxe de vivenda protexida e párase en seco coa crise, o Plan non se desenvolverá, na parte de vivenda colectiva e servizos asociados, por parte dos promotores inmobiliarios. Se a isto engadimos que a crise tamén afecta ao Estado, vaille a ser moi difícil ao Concello levar adiante as actuacións de iniciativa pública, sen diñeiro para financialas; máxime cando non había un censo fiable de demanda de vivenda protexida, existe un parque elevado de vivendas sen vender e o Plan tiña unha alta compoñente especulativa destinada a seguir inflando a burbulla inmobiliaria, que a aguzada crise ocupouse de picar.
Así, pois, a crise o que descubriu realmente foi o talón de Aquiles do Plan, e, inevitablemente, o PXOM, como Aquiles, non escapará ao seu destino, neste caso, maldito.

Alternativa Veciñal segue denunciando as ilegalidades do PXOM de Vigo.

Alternativa Veciñal ten presentadas 3 demandas contra as ilegalidades do PXOM de Vigo.