Teño medo polo xuíz Pedreira. Porque os corruptos de Gürtel poden ser unha panda de zafios, prepotentes, endiosados e chulos con jetas de picadores de touros (dito sexa sen ningún respecto para os picadores de touros, profesión que aborrezo), pero a alma do Partido Popular que lles acubilla e bota balóns fóra é tortuosa, astuta e ladina, escrito sexa no sentido máis peyorativo dos termos, que diría a inmarcesible señora Díez. O silencio do señor Rajoy non é o dos cordeiros. É o dos lobos que só asoman a patita por baixo da porta logo de haberlla untado ben en fariña.
Non son dado ás teorías conspiratorias, pero non me cabe a menor vacilación: hai unha trama contra a Xustiza, para desmontar un a un os casos que amolan á dereita e, de paso, facerse por completo co control dunha institución á que nunca deixaron de pertencer algúns dos máis férreos defensores do antigo réxime (antes de 1975) e dos seus actuais representantes na terra. A campaña non empezou coas denuncias dos falanxistas e compañía contra Garzón. Iniciouse antes, recorden. O monstro asomou a cabeza cando, ao pouco de facerse público o caso Gürtel, o ministro de Xustiza, Mariano Fernández Bermejo, viuse obrigado a dimitir polas presións dun PP que lle acusaba de confabulación con Baltasar Garzón por ir a cazar con el.
Miúda viga no ollo, a desta xente. Pero saibamos que andan buscando pallas no armazón da Xustiza, e que o fan para apoderarse do todo co mando. Un ansia de mando da que nunca se desprenderon, o mando para someter, o mando para utilizar a democracia, non para servila.
Díxoo moi clariño don Santiago Carrillo na súa entrevista no xornal El Pais. Que se seguen así non merecen nin ser oposición.
Hipócritas, saca primeiro a viga do teu ollo, e entón verás claro para sacar a palla do ollo do teu irmán. En certo xeito este termo, axústase aos fariseos, que desprezaban aos demais, téndose eles polos homes xustos.
Non son dado ás teorías conspiratorias, pero non me cabe a menor vacilación: hai unha trama contra a Xustiza, para desmontar un a un os casos que amolan á dereita e, de paso, facerse por completo co control dunha institución á que nunca deixaron de pertencer algúns dos máis férreos defensores do antigo réxime (antes de 1975) e dos seus actuais representantes na terra. A campaña non empezou coas denuncias dos falanxistas e compañía contra Garzón. Iniciouse antes, recorden. O monstro asomou a cabeza cando, ao pouco de facerse público o caso Gürtel, o ministro de Xustiza, Mariano Fernández Bermejo, viuse obrigado a dimitir polas presións dun PP que lle acusaba de confabulación con Baltasar Garzón por ir a cazar con el.
Miúda viga no ollo, a desta xente. Pero saibamos que andan buscando pallas no armazón da Xustiza, e que o fan para apoderarse do todo co mando. Un ansia de mando da que nunca se desprenderon, o mando para someter, o mando para utilizar a democracia, non para servila.
Díxoo moi clariño don Santiago Carrillo na súa entrevista no xornal El Pais. Que se seguen así non merecen nin ser oposición.
Hipócritas, saca primeiro a viga do teu ollo, e entón verás claro para sacar a palla do ollo do teu irmán. En certo xeito este termo, axústase aos fariseos, que desprezaban aos demais, téndose eles polos homes xustos.
Ningún comentario:
Publicar un comentario