AFECTADOS NOVA DEPURADORA

«Imos seguir loitando polas nosas vivendas e iremos pola vía xudicial»

Afectados Depuradora.

.

O mal funcionamento da actual estación depuradora do Lagares, en Vigo, afecta directamente ás familias que residen en 23 vivendas próximas e que desde hai dez anos soportan cheiros e vertidos. Onte recibiron como un xarro de auga fría a confirmación de que se fará unha nova macrodepuradora na zona. «Sentounos como unha patada, pero imos seguir loitando polas nosas casas ata o final e iremos pola vía xudicial», advertíu a portavoz, Rita Campos.

Os veciños pregúntanse que valor ten o pleno da corporación de Vigo e a palabra dos seus representantes políticos. Campos mostraba onte a acta dunha sesión celebrada o pasado 27 de xullo, na que os grupos municipais comprometéronse por unanimidade a non ampliar a depuradora.
rRRRRRRRRRR

Realoxos

.

Mentres preparan unha nova manifestación para o vindeiro domingo, pregúntanse ata onde vai chegar agora a afección da nova planta de cara a posibles realoxos.

A alcaldesa, Corina Porro, dixo onte que haberá unha proposta xenerosa para as 23 familias (con algunhas delas, o Concello xa está negociando e a saída parece fácil). «Empeño a miña palabra», asegurou a alcaldesa. A rexidora asume que a solución que lle propuxo á Xunta ten un custo económico e social, pero a defende porque beneficiará ás preto de 500.000 persoas que viven nas dúas marxes da ría.