xoves, 25 de outubro de 2007

INCOHERENTE E INVIABLE COMO O PXOM

O Pleno do Senado debía votar onte pola tarde unha lei que non dicía nada e acabou, directamente, non votando nada. O Goberno esperou ata o último minuto e decidiu pola mañá retirar da tramitación parlamentaria a Lei de Xurisdición Voluntaria, ao constatar que non conta con maiorías para aprobar unha norma presentable.
A razón é que o texto foi emendado no Congreso ata facelo inviable, con artigos abertamente contraditorios entre si.
É a primeira vez en democracia que un proxecto retírase logo de ser aprobado polo Congreso, segundo o Partido Popular. O relator socialista, Arcadio Díaz-Tejera, admitiu onte que o proxecto era "incoherente" e "inviable", aínda que acusou ao PP de facer imposible arranxalo. A Lei de Xurisdición Voluntaria pretendía dar competencias a notarios, rexistradores e secretarios xudiciais para resolver expedientes que agora se amontoan nos xulgados.
As primeiras etapas da tramitación no Senado evidenciaron que a lei era imposible de arranxar. A sesión da Comisión de Xustiza o pasado día 18 foi para enmarcar. Eusko Alkartasuna dixo que a súa postura era "que este proxecto non vise a luz do día". Coalición Canaria advertiu que desta lei "pode saír algo que realmente non se sabería como aplicalo". "Existen graves problemas de eficacia real do proxecto", advertiu Convergència i Unió.
.
Unanimidade na crítica
.
A intervención definitiva fíxoa o portavoz do PNV, Joseba Zubia: "Logo de non moito esforzo, o meu grupo parlamentario chegou á conclusión de que isto non hai quen o arranxe, sempre que se queira manter un mínimo de coherencia, sentido común e dignidade parlamentaria. Retiramos todas as nosas emendas e renunciamos a entrar nun debate que resultaría estéril". Zubia pediu ao Goberno que retirase o proxecto.
Por parte da Entesa Catalá, o senador Miquel Bofill advertiu contra "un texto que non é de recibo xa non digo por parte dun xurista, senón de calquera persoa cun mínimo de sentido común". Ata Agustín Conde, do PP, azoute do ministro de Xustiza no Senado, fixo un repaso detallado e respectuoso dos problemas que tivera a lei na súa tramitación e chegou a dicir que, se o Goberno retiraba o proxecto, desde o PP criticaríanlle "pouquiño".
Conde puxo un exemplo demoledor dos problemas da lei: "No artigo 26 dicese que nos expedientes de xurisdición voluntaria haberá recursos e regúlase como son, mentres que no 26 bis dicese que non caberá recurso. ¿Que fan os xuíces? ¿Hai recurso ou non o hai? ¿É preceptiva a intervención de avogado? ¿Non o é?".
A portavoz socialista, Ruth Porta, non tivo máis remedio que admitir que se trataba de "un proxecto manifestamente mellorable". O PSOE presentou 10 emendas transaccionais (pactadas con outros grupos) coas que pretendía arranxar o texto. Pero a sesión en Comisión terminou de confirmar o desastre lexislativo. Aprobou tres emendas e votou en contra do resto do texto, co que onte o Pleno debía votar, literalmente, tres emendas, non unha lei.

Ningún comentario: