O ALGARROBICO É ILEGAL

Greenpeace reclama ao Ministerio Fiscal que investigue os indicios de delito no caso do Algarrobico

.

O Fiscal Xeral do Estado debe depurar responsabilidades a todos os niveis.

.

Greenpeace presentou un escrito ante a Fiscalía Xeral do Estado no que insta ao comezo da investigación solicitada polo xuíz na última sentenza sobre o caso do Algarrobico, na que se apreciaban indicios de delito.

.

Recentemente, o Xulgado número 2 do Contencioso Administrativo de Almería declaraba ilegal a licenza de obras concedida polo Concello de Carboeiras á empresa Azata do Sol, que se sumaba á ditada en 2006, que provocou a paralización cautelar das obras.

"Existen claros indicios de prevaricación administrativa e contra a ordenación do territorio que non deben quedar impunes pola súa falta de respecto ás leis de protección da costa", declarou Juan López de Uralde, que solicita ademais "que se depuren as responsabilidades a todos os niveis e da forma máis rápida para que o caso non quede esquecido polo paso do tempo".

O Hotel construído na praia do Algarrobico, no municipio almeriense de Carboeiras, deu lugar a numerosas resolucións xudiciais sobre a súa ilegalidade xa que foi edificado dentro do Parque Natural de Cabo de Gata -Nijar, invadindo a servidume de protección do dominio público marítimo-terrestre (100 metros desde a beira do mar).

A última sentenza ditada sobre o caso sinalaba que: "a abulia e a desidia do Concello de Carboeiras e da Xunta de Andalucía na defensa do interese xeral provocou que o hotel construísese, e é tarefa da Fiscalía Xeral do Estado investigar o porqué varias administracións pasaron por alto as leis que impedían construír o hotel".

.

(Foto do macrohotel de 411 habitacións e máis de 20 plantas, do Algarrobico, situado dentro do Parque Natural Cabo de Gata-Níjar)