DENUNCIAS CONTRA "VILA PSOE" NA ILLA DE AROUSA

Denuncian ante a Fiscalía de Pontevedra o edificio no que ten un ático José Blanco e Ricardo Varela (PSOE)
..

O número dous do PSOE, o galego José Blanco, volve estar no centro da polémica despois de que o edificio situado na Illa de Arousa, no que posúe un piso sexa denunciado ante a Fiscalía. En concreto no escrito di que o inmoble non respecta a Lei de Costas, está a só 20 metros do mar, e que para a construción foi necesario tallar medio piñeiral.

O edificio no que ten o ático José Blanco, e no que outros dirixentes socialistas posúen tamén sendas vivendas, como o conselleiro de Traballo e vicesecreetario xeral do Partido Socialista Galego Ricardo Varela, é coñecido en Galicia como "Vila PSOE".

A Fiscalía de Pontevedra recibiu outra denuncia contra devandito inmoble e que vai dirixida contra o Concello de Illa de Arousa, gobernada polo Partido Socialista, a Xunta de Galicia e a empresa construtora.

Á demanda inicial da Asociación de Afectados por Estafas Inmobiliarias-Cafines sumouse o pasado venres Jorge Carlos Vázquez, un veciño do Concello coruñés de Cabanas afectado pola Lei de Costas, cun escrito no que cuestiona a recalificación dos terreos en base á Lei de 1988 e resalta que o inmoble non se axusta ás directrices que marca a normativa, ao exceder o edificio o volume máximo contemplado.

O edificio no que está situado o ático do vicesecretario xeral do PSOE está situado a tan só 20 metros do mar, o que vulnera a Lei de Costas, e que ademais se acentúa co feito de que foi construído en solo urbano non consolidado. Neste sentido, a construción do edificio provocou que se tallara medio piñeiral, uns 280 exemplares, considerado polo Concello anos atrás como "un dos lugares con maior valor paisaxístico e natural de todo o municipio".

A denuncia demostra con distinta documentación que en 1988, cando entrou en vigor a Lei de Costas, os terreos nos que se sitúa a futura residencia estival de Blanco non tiña calificación de solo urbano. Por iso, esta edificación vulneraría tamén os 100 metros de servidume con respecto ao mar que esixe a actual Lei de Costas para aqueles terreos que antes de 1988 non tiñan a categoría de "urbanos". Con todo, o concello socialista de Illa de Arousa asegura que "o edificio ten todos os permisos e estas personalidades son libres de comprar a súa vivenda en calquera parte do territorio nacional".