MARCHA CONTRA "VILA PSOE"

"Aquí, se es socialista, a vara de medir é diferente"
.

Os cidadáns non se amedrentan fácilmente. Ao redor de 500 persoas de diversos colectivos encabezados pola Confederación de Afectados por Estafas Inmobiliarias (Cafines) manifestáronse o pasado sábado día 21 na Illa de Arousa contra a construción de Vila PSOE, un bloque de apartamentos de luxo entre cuxos futuros inquilinos figura José Blanco e outros destacados dirixentes socialistas. Iso malia as "intensas" presións recibidas por parte do alcalde da localidade, José Manuel Vázquez (PSdeG), quen o pasado mércores demandóu a esta asociación por un delito contra o honor.

Tal e como se informou, o ático do secretario de Organización do PSOE é un dos mellores inmuebles da polémica promoción Residencial Illa de Arousa, un bloque de apartamentos erigido a escasos 20 metros do mar, o que, segundo Cafines, vulnera tanto a Lei de Costas como a Lei Galega do Litoral. Resulta paradoxal que as casas contiguas, con décadas de antigüidade, estean ameazadas pola mesma Lei que parece non afectar a Vila PSOE.

"A demanda non nos preocupa para nada. É máis, dános pé para empezar a pedir probas". Non esquezamos que Feijóo -candidato popular á Xunta de Galicia- declarou que o Fiscal Xeral de Estado (Cándido Conde-Pumpido) ten aquí un apartamento", afirma José Carlos Piñeiro, un avogado que representa a Cafines.

O escándalo de Vila PSOE, "un inmueble totalmente legal", segundo declarou a este diario un portavoz de Blanco, irrompeu de cheo na campaña electoral galega para os comicios autonómicos do próximo 1 de marzo. Non é para menos. Cafines denunciou a redacción ad hoc dun novo Plan Urbanístico para reconvertir o solo rústico en urbano, o que permite construír sen gardar a obrigada distancia coa costa (100 metros). A asociación afirma que os terreos baixo o bloque de apartamentos non eran urbans antes de 1988, nin tampouco cando se aprobou o Plan Xeral definitvo da Illa de Arosa en 2002.

"Hai xente que leva vivindo séculos na costa e as súas vivendas víronse afectadas pola Lei. Aquí, se es socialista e do Goberno, a vara de medir é diferente. Toda esta xente vai presentar unha demanda contra Blanco, probablemente a semana que vén", engade Piñeiro.

Cafines, que desde setembro de 2007 solicitou de forma reiterada ao Concello da Illa de Arosa documentación das obras, asegura que a Xunta e o departamento de Costas abriron expediente no seu día e, ata, obrigaron a pagar multas ás vivendas que están detrás do edificio. A asociación promete que continuará a súa loita. Mentres, aqueles que coñecen ben a illa definen o bloque de apartamentos como "un atentado urbanístico que repugna, comparable co Algarrobico".