URBANIZACIÓN EN OLEIROS

-Jove impulsa unha urbanización en Oleiros con campo de golf e 688 casas

-O Concello aproba mañá un proxecto fraguado hai unha década

Cando xa golpeaba a crise fai pouco máis dun lustro, Galicia sumaba 22 campos de golf e tiña en carteira outros 26, anunciados ou mesmo xa incluídos en plans municipais. Pero a derruba do ladrillo botou finalmente a perder coa inmensa maioría e arrefriou a febre de non poucos alcaldes por inaugurar unha urbanización de vivendas asociada a un céspede con buratos para uso exclusivo dun deporte considerado elitista. Un modelo urbanístico que non obstante segue plenamente de actualidade en Oleiros, localidade residencial de 34.500 veciños nos arredores da Coruña.

É o municipio coa renda por habitante máis alto de Galicia e dará mañá, coa aprobación no pleno municipal, un impulso definitivo a unha das maiores novas promocións urbanísticas: o desenvolvemento do sector de Xaz, na parroquia de Dorneda, que engloba, ademais dun castro arqueolóxico e un gran bosque, ambos os dous protexidos, unha zona para albergar 688 novas vivendas, un hotel de luxo así como un campo de golf de 18 buratos. Este último terá por sede un ilustre pazo do século XVII, unha propiedade amurallada de singulares xardíns e especiais medidas de preservación.

A aprobación definitiva de mañá marca unha nova etapa e un forte avance dun proxecto que tras case unha década de múltiples vicisitudes, contratempos e cambios impostos mesmo por sentenza xudicial, xa conta co visto e prace e informes favorables das distintas Administracións. Pero antes de que comecen alá por finais de ano os primeiros movementos de terra, como desexa ferventemente o alcalde, o independente Anxo García Seoane, aínda queda por superar un importante escollo: o 10% da superficie total segue en mans dos seus propietarios orixinais. Malia ser apremados polo seu Concello, resístense ás únicas alternativas que teñen: vender as súas parcelas ou converterse, obrigados, en promotores. O rexedor asegura que intentará evitar unha expropiación forzosa que noutras localidades con restras de macrourbanizacións, comoMiño, resultou ter unha elevado custo económico e social.máis información...