venres, 27 de xullo de 2007

SEGUE O URBANISMO SALVAXE


Política Territorial decreta derrubar oito chalés dunha urbanización do litoral de Poio

.A Consellería de Política Territorial impuxo unha multa de 207.365 euros á promotora dunha urbanización de chalés de Chancelas, en Poio, ao estimar que realizou obras nunha zona de costas, segundo transcendeu. A resolución da Xunta insta a Vigobarro S.L. a «volver os terreos nos que se executaron as obras obxecto deste expediente ao seu primitivo estado». Esta medida implicaría, segundo as fontes consultadas, a derriba de oito dos preto de dezaoito chalés que conforman a urbanización. Trataríase da primeira liña de edificacións, que, ao parecer, poden invadir terreos de dominio público marítimo terrestre ata en trece metros, engadiron os veciños.
.
O expediente, que se incoou en abril do 2004, non é firme e contra el cabe a interposición dun recurso de reposición ante a propia consellería ou un recurso contencioso administrativo ante o Tribunal Superior de Xustiza de Galicia. En todo caso, a Xunta dá un prazo dun mes para que a promotora cumpra a resolución so pena de recaerlle unha multa coercitiva de 41.572 euros mensuais ata que tales traballos execútense.
..
Os veciños afirman que algúns dos chalés xa están ocupados aínda que «non teñen permiso de habitabilidade».

Ningún comentario: