Panadeiros, unha quesería, un axente de artistas e unha «boutique», entre os adxudicatarios eólicos.
.
As concesións de Industria beneficiaron a decenas de pemes alleas ao sector radicadas sobre todo en Lugo e Pontevedra
.
Panaderías, tendas de roupa, queserías, axencias de representación de artistas, empresas de transportes, fábricas de cubertos e menaxe do fogar, pequenos hoteis con encanto, mueblerías, louseiros... A lista de sociedades beneficiadas polo concurso eólico de Industria (BNG), do que se caeron algúns dos primeiros operadores do mundo, abarca case todos os sectores da economía galega e inclúe a decenas de firmas de fóra de Galicia, que participan soas ou con socios locais.
A análise dos accionistas e administradores das 25 adxudicatarias permite debuxar unha estrutura de empresa que se repite: na maioría dos proxectos hai alianzas de diferentes compañías, que se dividen nunha rama técnica (sobre todo enxeñerías), outra financeira (hai moitas sociedades foráneas de capital risco que nos seus estatutos xa advirten de que viñeron para non quedar), e outra industrial, de capital galego, que lle dá nome ao proxecto.
Ese mesma análise confirma que a repartición de Industria deixou o sector máis atomizado que nunca, tras unha década de concentracións.
Entre os novos donos do vento, a maioría alleos ao negocio eólico, hai tamén vellos coñecidos do mundo das renovables, algún con causas xudiciais pendentes. Desde un punto de vista xeográfico, as concesións premiaron ás provincias de Lugo e Pontevedra.
La Voz
.
Ningún comentario:
Publicar un comentario