Os resultados do 1-M, os 15.000 votos que sacou o PP ao PSOE en Vigo, é o fracaso de Abel Caballero, é un anticipo do dous anos complicados ao alcalde ata as municipais do 2011 .....
De estar no "ceo" a baixar ao purgatorio co risco de terminar no inferno en dous anos. Unha sensación parecida é a que está vivindo estes días o alcalde de Vigo, quen tras dous anos doces con gobernos amigos en Santiago e Madrid comproba que as cousas van discorrer de xeito diferente no tempo que resta ata as municipais de maio do 2011.
O fin dos conselleiros amigos. O inesperado (para moitos esperado) resultado electoral situou a Abel Caballero nun escenario diferente ao de fai unha semana. Desde que chegou á alcaldía contaba cunha "Xunta afín", polo menos no 60% que controlaban os socialistas. Departamentos craves para Vigo como Política Territorial (auditorio, túnel de Beiramar); Sanidade (novo hospital) ou Educación (colexios públicos) eran en principio sensibles ás súas demandas. A partir de agora terá que lidar con conselleiros do PP e xa sabe o que lle espera. Como mostra, a relación que mantivo con Rafael Louzán, presidente da Deputación. Aínda que non sexa equiparable, non logrou nin un acordo en dous anos.
Quince mil votos que se evaporan. Nas autonómicas do 2005 PP e PSOE empataron en Vigo e fai seis días os populares sacáronlle 15.000 votos aos socialistas. Este resultado foi un mazazo para o alcalde e para a súa contorna, que empeza a temer unha maioría absoluta do PP en 2011, tema obxecto de comentarios na alcaldía. O resultado adquire maior gravidade se temos en conta que fai un ano, nas xenerais, o PSOE superou ao PP en Vigo.
Proxectos en dique seco. Esta mesma semana, en plena resaca electoral, o PP deixou claro que o carril bici a Baiona, proxecto estrela de María José Caride, non se vai a executar. Tampouco parece que teña vía libre a Cidade do Mar de Touriño e con seguridade a lista será máis longa. Algúns recordan que o proxecto de macrodepuradora do Lagares non foi apoiado polo PP...
Terá que tratar con Corina Porro? O último domingo de maio do 2011 haberá un choque de trens en Vigo. Salvo sorpresas, intentará revalidar o seu cargo fronte a Corina Porro co aval dos seus catro anos no cargo e Porro contará co plus do posto que ocupará en breve. Sexa o que sexa, para será un auténtico grolo tratar co seu máximo rival. Se ademais Feijoo nomea a Porro conselleira ou delegada da Xunta en Vigo, o contacto deberá ser forzosamente habitual e con no papel de reclamar investimentos autonómicos á actual xefa da oposición.
A catástrofe da ETEA. Teresa Pisano ten obediencias alleas a quen, non o esquezamos, intentou que non fose nomeada delegada do Estado en Zona Franca. O favor devolveullo con fartura á hora de decidir se o consorcio repara as instalacións deportivas para a súa cesión ao Concello. , como mínimo imprudente, leva semanas anunciando que Zona Franca faríase cargo da factura... e ao final vai ser que non. Onte o alcalde tivo que facer un auténtico exercicio dialéctico para explicar o ocorrido. Agora resulta que legalmente pode non ser posible e, se o é, exporá unha «votación coercitiva» para que Pisano pague a factura. Visto o visto, mellor que non sexa posible porque pode perder a votación.
E aínda por riba o BNG vai por libre. Non foi o habitual estes anos, pero nas últimas semanas Santiago Domínguez deulle nos fuciños un par de veces: impúxolle condicións no convenio co Celta e negouse a aprobar un convenio coa ETEA que parece un bumerán lanzado contra o Concello tal e como se xestionou.
O bipartito ten os dias contados por aprobar un PXOM ilegal, os colectivos de afectados, pasarán factura nas próximas eleccións municipais.
O urbanismo de Vigo non sae dos xulgados: Por se tiña poucas espadas de Damocles encima da súa cabeza, a Abel Caballero chovéronlle as malas noticias esta semana. Comezouna co titular «Feijoo presidente» (o PP de Corina Porro sacoulle 15.000 votos na cidade) e péchaa co Tribunal Superior abrindo a posibilidade de que se anule o pleno que aprobou o novo Plan Xeral.
A enésima volta de torca de dúas cuestións que definen o Vigo da democracia: a falta de liderazgo político e un urbanismo que non sae dos xulgados. O alcalde ten encima da mesa unha orde para derrubar un edificio de 104 pisos en Castrelos e necesita o Plan Xeral para legalizar outras dúas mil vivendas e o maior centro comercial de Galicia. Suma e segue
4 comentarios:
un socialista encabuxado
Sempre me manifestei en contra de maiorías artificiais, por exemplo, moi pouco ou nada nos une co actual BNG, polo que na anterior lexislatura, eu preferise facer unha oposición construtiva, que a recado nestes momentos, estaríanos dando uns froitos moito mellores e quizais ata se podería pensar en gobernar un grupo consolidado de esquerdas.
O Sr. Touriño, demostrou ser unha persoa moi digna, pero non soubo explicar as súas actuacións e rodeouse como sempre nos últimos tempos do Socialismo, de xente que só entran en política para medrar persoalmente e ademais, tivo que gobernar contra un goberno paralelo, que lle produciu máis problemas que vantaxes.
Encima durante a campaña, recibiu a axuda de José Blanco, que co seu nulo tacto, o único que fixo foi utilizar o insulto ao opoñente (como fai a dereita), en lugar de explicar as solucións para Galicia, mellor fose, que se quedou en Ferraz, pois os galegos non somos bobos e sabemos diferenciar ben as solucións, dos insultos persoais, pois xa sabemos as formas de facer política da dereita, co cal hai que saber distanciarse e marcar estilo, para o que é evidente que a linguaxe do Sr. Blanco non é o mais adecuado.
Bo, o pasado, pasado está, pero máis me asusta o futuro, pois as noticias que teño tras a dignísima dimisión do Sr. Touriño, son moi preocupantes, xa que parece ser que se pretende potenciar para dirixir ao partido en Galicia, a Manuel Vázquez (Pachi), de verdade é un verdadeiro inutil, demostrouno sendo Conselleiro.
gañou galicia
O que está moi claro é a distancia abismal, o descoñecemento maiúsculo que os políticos e os seus cortes de analistas, teñen sobre a xente do pobo. Ou sexa, nin a menor idea. Os galegos observaron en silencio a campaña, manténdose un pouco na distancia como fan os bos observadores. Mentres a voz cantante e o bla?bla? protagonizábano os políticos, tertulianos e encuestadores, alá na ultramontana dos despachos multimillonarios e o confort dos sueldazos e escuros navegantes. O pobo liso e chairo parecía invisible aos interlocutores, coma se non existisen homes e mulleres nas rúas, nos traballos ou na carencia deles, nos hospitais; un mundo sen nenos, nin novos , a quen ofrecerlles educación e mellores oportunidades de vida. Ninguén lles preguntou a eles que lingua queren falar.
Con este equipo de dirixentes do PSOE galego non sei vai a ningun lado. Tanta culpa tivo a arrogancia de Touriño coma mediocridade dos conselleiros e conselleiras, alcaldes como os de CORUÑA e VIGO que ca sua mala xestión precipitaron a caída. E os que veñen como Mar Barcón,rexeitada en moitos barrios da Coruña, o polémico Patxi Vazquez ou a Loli Amoroso, Secretaria Xeral das Xuventudes que rebasa a edad estatutaria à fronte da organización son mais arribistas que ninguén. En Fin, a onde imos con este partido socialista?
No solo perdieron credito en Vigo sino en todos los sitios donde BIGOBIERNAN con el BNG que está a defender parcelas, incluso publicitariasd y dando una imágen de división en todos los gobiernos que comparten.
De Caballero no hace falta decír nada pues el solo lo hace todos los dias al demostrarnos que es, con diferencia el peor alcalde de Vigo y mira que los hubo malos. Creo que hasta supera o pobriño de Castrillo.
Si la solución es el PP y Corina aquí tendremos que emigrar o buscar soluciones desde ahora. Yo creo que estamos a tiempo de hacer una auténtica alternativa de VIGUESES por encima de los partidos pero CON los partidos, o sea con lo mejor que tengamos de los políticos de Vigo que los tenemos.
Saludos.
Ataturk.
Publicar un comentario