O PXOM DE VIGO DERRUBOU AO BIPARTITO

Anxo Quintana e a Executiva do BNG presentan a súa dimisión.
.

O portavoz nacional do BNG anuncia que non volverá presentarse ao cargo na Asemblea extraordinaria que a formación nacionalista celebrará a principios do mes de maio.

.

O portavoz nacional do BNG, Anxo Quintana, presentou hoxe a dimisión de toda a Executiva e anunciou que non ten intención de presentarse de novo ao posto na Asemblea extraordinaria que a formación celebrará a principios do mes de maio.

Quintana trasladou esta decisión durante unha intervención no Consello Nacional do BNG, o máximo órgano entre Asembleas, no que a formación nacionalista galega inicia o "proceso de reflexión e análise" dos resultados electorais do pasado 1 de marzo, nos que pasaron de 13 a 12 deputados e baixaron en votos. Esta circunstancia impediu revalidar o goberno de coalición cos socialistas, a primeira vez que o BNG estivo no goberno autonómico, xa que o PP alzouse con 38 deputados, un máis que a anterior lexislatura, o que lle deu a maioría absoluta.

Fai uns días, Anxo Quintana xa anunciou que non repetiría como candidato á presidencia da Xunta. Nunha carta remitida aos militantes do partido nacionalista, Quintana avogaba por abrir unha nova etapa "que debe ser protagonizada por novos actores". O dirixente nacionalista defiendía unha nova dirección "consensuada" e, no seu momento, "unha nova candidatura á Xunta".

A misiva de Quintana atribuía a derrota electoral a unha errónea lectura dos cambios sociais en Galicia. O portavoz nacional facía especial fincapé na cuestión do idioma. Así, avogaba por "un novo posicionamento público ante o proxecto de normalización lingüística".

Respecto ao descenso de votos da formación e a perda dun escano no Parlamento de Santiago, Quintana asumía erros como a "infravaloración do potencial real do PP como corrente ideolóxica" ou a incapacidade para implantar "unha auténtica cultura de coalición". Así como unha "evolución españolizadora" das clases medias, "cada vez máis distanciadas do proceso galleguizador do nacionalismo", e a "incapacidade" do BNG para "ler a nova situación, principalmente no tema lingüístico". A crise, continúa, favoreceu as "proclamas demagóxicas" sobre despilfarros.

-

O PP capta o voto urbano e arrasa en Vigo.

.

Baixada socialista

.

En Vigo, o PSOE interrompeu drasticamente o crecemento alcista dos apoios que viña recibindo desde o 2001. De estar practicamente empatado co PP fai catro anos, baixaron onte cinco puntos. Os populares onte sumaron en Vigo 15.000 votos máis que o PSOE. Así, o empate técnico das autonómicas do 2005 resolveuse de forma clara a favor do PP, un partido polo que onte votaron nove mil persoas máis que fai catro anos. No outro extremo, o PSOE, que en catro anos perdeu seis mil votantes e que non puido rendibilizar a alcaldía que ostenta Abel Caballero, nin manter a tendencia alcista que fai catro anos estivo a piques de convertelo na forza máis votada na cidade, a aprobación do PXOM de Vigo polos partidos PSOE-BNG, levaron a aos cidadáns a darlle un castigo polas mentiras recibidas antes das eleccións municipais, xa que o PSOE estaba en contra do PXOM, e cando chegou ao poder cambiou de rumbo e aprobouno.

No caso do BNG, confirmouse a perda de apoios que veñen padecendo desde fai máis dunha década.

.

Touriño presenta a dimisión...

.

Caballero négase a valorar o resultado electoral na cidade...