AS INDUSTRIAS QUE CONTAMINAN EUROPA

A Axencia Europea do Medio Ambiente publica un mapa interactivo das empresas que polucionan

Quen queira saber que actividades industriais desenvólvense preto da súa casa e canto emiten, poderá consultar o rexistro e o mapa interactivo que a Axencia Europea do Medio Ambiente e a Comisión Europea lanzaron.
O rexistro inclúe máis de 24.000 variables de 91 tipos de sustancias consideradas contaminantes en 65 actividades económicas diferentes nos 27 estados membros, ademais de Liechtenstein, Islandia e Noruega.
O obxectivo do rexistro de actividades contaminantes é coñecer a súa localización e a cantidade de sustancias liberadas ao aire, ao chan ou ao auga, así como os refugallos e verteduras de lixo e os xestores que a tratan. O Convenio Aarhus obriga a dar información aos cidadáns do que sucede na súa contorna.
A directora executiva da Axencia Europea do Medio Ambiente, Jacqueline McGlade, sinalou que "calquera cidadán pode saber que cantidade de polución vértese ao auga ou á atmosfera desde as actividades que hai na súa veciñanza ou rexión".
Os nove sectores industriais incorporados a este rexistro son enerxía, produción de metais, minería, industria química, residuos e tratamento de augas residuais, produción de papel e madeira, granxas e acuicultura e industria alimentaria.
As 91 sustancias contaminantes corresponden a diferentes áreas: os seis gases de efecto invernadoiro, metais pesados (arsénico, cadmio, cromo, cobre, mercurio, níquel, chumbo e zinc), pesticidas, e sustancias orgánicas e inorgánicas. A procura no mapa pódese realizar polo nome da industria, polo tipo de contaminantes ou polo sector industrial.
Os últimos datos son de 2007, pero a partir do próximo ano a información actualizarase cada mes de abril.
O 65% do CO2 é de térmicas
O rexistro permite coñecer de onde proceden as emisións que se xeran nas industrias europeas. Así, o 65,7% do dióxido de carbono (CO2) das industrias procede das plantas térmicas, seguido do 8,5% da fabricación do cemento, 6,8% das refinerías de gas e 5,4% de produción de ferro e aceiro, entre as principais.
En España, o 63,2% do CO2 emitido polas industrias corresponde a 87 estacións ou plantas térmicas; o 16,4% de 42 fábricas de cemento e o 8% de refinerías de gas. En total hai 192 actividades industriais en España que emiten CO2, e o 21% vértese desde Andalucía, seguida de Galicia co 12%.
En canto ao metano, un gas de efecto invernadoiro que é 21 veces máis daniño que o CO2, os principais emisores en Europa son a agricultura e a gandería (82%), seguidas da minería (13,2%). En España, as actividades agrogandeiras liberan o 81% do metano, e en total 167 actividades industriais emiten metano en España, o 23% situadas no País Valenciano.