mércores, 3 de novembro de 2010

QUEN PAGA A CRISE?

Hoxe está en xogo que a crise non a paguen os de sempre. Por iso, é inmoral pedir, como o fai o PP, unha exención impositiva ao Ano Internacional da Dieta Mediterránea e ao mesmo tempo unha rebaixa de 200 millóns de euros destinados á loita contra a pobreza.
Hai fondos suficientemente prescindibles por onde se pode apertar o cinto do Estado: o mantemento do parque móbil ministerial custará en 2011, 47 millóns de euros, cando o noso país só destinou 43 millóns a Níger, Malí e Chad afectados o ano pasado pola crise alimentaria no Sahel. Máis exemplos: 135 millóns compensarán ás concesionarias de autoestradas por uns "sobrecustos" indeterminados nas expropiacións ou 47 millóns irán pagar un lote de 770 mísiles IRIS-T (o triplo do gasto do ano pasado).
Todo isto sen contar coas inxentes cantidades de diñeiro que se deron xa aos bancos para superar a crise que eles mesmos provocaron.
¿De verdade temos que decidir a que pobre quítaselle a comida da boca? Hai outras formas de recadar fondos que permitirían loitar contra a pobreza e ao mesmo tempo manter o gasto social nos países afectados pola crise: a posta en marcha dunha taxa ás transaccións financeiras, que gravaría principalmente as transaccións especulativas de capitais. Ou pór coto aos paraísos fiscais, que cada ano "furtan" aos Estados miles de millóns de euros en impostos.
A axuda ao desenvolvemento sufriu xa un recorte severo. Os Orzamentos Xerais do Estado presentados polo Goberno minguárona nuns 918 millóns de euros. Se o Goberno deixouna malferida, a petición do PP supón darlle a puntilla.

ARIANE ARPA (Directora Xeral de Intermón Oxfam)

Ningún comentario: