GOLPE DE ESTADO EN EUROPA

Algúns expertos coinciden en chamarlle aos “mercados” estafadores e especuladores, outros alertan sobre unha “cúpula que non ten rostro”; non estou de acordo nesta última definición, porque esta “cúpula” ten moita face. Agora xa van descubríndose. Basta ver o que pasou estes días en Europa para comprender a que nos ven enriba. Foron dous golpes de Estado contra as democracias de Grecia e Italia. Papandreu en Grecia propuxo un referendo sobre as reformas e unha semana despois a súa cabeza comezou a rodar polo chan. En Italia preparouse outro golpe que tumba a Berlusconi.
Estes dous mandatarios non caeron por unhas eleccións, caeron por orde directa deses “estafadores” e o seus “sicarios” políticos en Bruxelas. En Grecia xa puxeron os golpistas a un tecnócrata, que ocupara o cargo de vicepresidente do Banco Central Europeo. En Italia outro semellante, pero con máis “pedegrí”, Mario Monti home da Trilateral, do Club Bilderberg unha especie de goberno mundial na sombra. O máis asombroso do nomeamento de Monti está no seu curriculum: foi asesor do banco de inversión Golman Sachs, acusado de fraude pola venta de créditos lixo e culpable desta estafa financeira mundial.
Non nos queda que rebelarnos contra estas ditaduras. Rebelarnos neste país contra o partido gobernante definido como de esquerdas que reformou a Constitución sen consultar ao pobo. Contra a entrada no goberno do PP; puntilla neoliberal para seguir acometendo recortes “tenebrosos” ordenados pola cúpula europea golpista. O que non o vexa así está cego. T.C.F.