A PRENSA INTERNACIONAL ACUSA A RAJOY

A prensa internacional acusa a Rajoy de "saquear" o fondo de pensións para evitar o rescate.

O diario estadounidense The Wall Street Journal publicou a semana pasada un artigo do seu corresponsal en Madrid, David Román, no que se acusaba ao Goberno de Mariano Rajoy de estar usando o Fondo de Reserva da Seguridade Social para comprar débeda soberana nun intento de evitar o rescate do país -a engadir ao xa consumado rescate de boa parte do sistema bancario-.

O 90% do fondo de pensións, ¿empeñado?

O artigo acusaba a Rajoy de poñer así en risco o fondo que garante o pago das futuras pensións. A maior parte do fondo estaría de feito asociada á débeda segundo Román: "Polo menos o 90% do fondo de 65.000 millóns de euros investiuse nunha débeda española cada vez con maior risco, segundo cifras oficiais, e o goberno comezou a retirar diñeiro en efectivo para pagos de urxencia".

Rajoy "ha saqueado en silencio" a hucha do país

O semanario alemán Der Spiegel publicou o mesmo artigo do WSJ alertando da arriscada estratexia de Rajoy coas pensións: "España ha saqueado en silencio a hucha máis grande do país, o fondo de reserva da Seguridade Social, debido ás súas dificultades financeiras".

"Case desapercibido polo público, o Goberno comprou así os seus propios títulos soberanos e utilizou parte do diñeiro para pagos urxentes e inmediatos", insiste Román no Der Spiegel, nun texto do que se fixo eco A Vanguardia. Para o semanario alemám, este "gran saqueo non poderá seguir moito máis tempo" advirte a publicación germana subliñando que é presión engadida para que Rajoy pida o rescate.