CLARO QUE HAI MÁIS FESTAS

Ten razón don Juan, que asina unha das miñas lecturas favoritas entre o telexornal e a sesta. E é que, efectivamente, hai en outubro moitas máis santas, virxes, mártires e demais posuidores dun sitio no santoral que a casa marcada o 21-0 por Santa Úrsula e hai numerosas festas ao longo e ancho do outono, outubro sobre todo, que percorren a xeografía galaica a golpe de gaiteiro e a ritmo de muñeira no medio dunha festa onde empanada, polbo, cachelos e outras viandas merecerán unha dixestión con licor café ou de herbas...

E é que podía ser peor... por exemplo o 21-0 coincidise con San Martiño, data que todo o mundo asimila co final do gocho. ¿Quen non oíu iso de que a cada porco chégalle o seu San Martín...?

Así que, no medio de todo o "rebumbio" elixir o vinte e un non foi de todo malo... quédannos aínda días de sol para que o complexo hospitalario santiagués aforre máis enerxía que os vinte e dous millóns previstos pola conselleira do ramo que pide axuda para loitar por "as persoas vinculadas ás mafias rusas que chegan a urxencias en jet para facer turismo sanitario...".

Pois xa ten axuda: os seus "compas" de partido conseguiron que cada vez vingan menos avións aos nosos aeroportos en busca dos nosos hospitais...

Mire dona Rocio non me xogue coa saúde que é cousa mala e pon enfermo de cólera a moito concidadán que está farto de que lle digan que non se pode vivir con cinco mil euros ou que se vai malviviendo con jet (ruso ou de Avión) e oito mil euros de renda familiar cada mes ata outubro e novembro... que por aí cae san Martiño.

A un servidor, señora miña, cando lle falan de enerxía, de electricidade, acéndenlle as luces e recordo que foi un xefe da Xunta o que repartiu millóns de millóns ás "eléctricas" nunha cousa que se chamaba o "Plan Mega" e que non serviu para que en varias partes do noso país vivisen ás escuras as festas do Nadal...

Non recorda...?

Pregúntelle a Feijóo que estaba nese goberno. Pregunte por Lugo, Ponteareas ou Vigo onde atopase moitas vítimas daquelas noites...

Así que tonterias, as xustas...

Aínda que esteamos en período pre-electoral...

E se vexo un ruso, con jet, facendo cola na Casa do Mar... avísolle.

DE ELECCIÓNS E DE OUTONOS

Todo cheiraba a eleccións anticipadas. Era a crónica dunha anticipación anunciada. Nada pinta ben e Feijóo sabe, mellor que ninguén, que virán tempos peores. O PP e Feijóo son parte do problema e non poden presentar unha tarxeta positiva destes catro anos, nunha comunidade que vai costa abaixo en tódolos indicadores dá macro e a microeconomía. Feijóo non pode falar nin de logros nin de xestión, só de recortes.
O anticipo semella que beneficia a todos. Aos que gobernan, porque deixan de anunciar e aprobar malas novas durante un tempo. Aos dá oposición, porque deixarán de mirarse ou seu embigo e mirarán cara a cidadanía para crear alternativas, xa sexa coas primarias sen facer, como lles pasa a algúns, ou divididos en varios anacos con diferentes liderados, como lles sucede a outros.
Pero os partidos deberan reflexionar e escoitar a mensaxe dá cidadanía: queremos outro modo, outras maneiras, outros perfís. É preciso recuperar fé na política, que é a clave de arco dá convivencia, pero para elo precisamos talantes e talentos. Menos liderados artificiais de equilibrios milimetrados de territorios e estratexias para controlar maiorías, e máis cidadanía, sociedade, e máis representatividade.
E sucederá no outono. Un tempo que invita ao recollemento e a melancolía. Pero tamén, un tempo de oportunidade para a alternativa e ou cambio de trazada. Galicia debe recuperar vento como sexa. Precisamos horizontes. Con realismo, sen demagoxias e con criterio. E sen Collartes, deputado do PP famoso por non chegar co fin de mes. Sería bo xerente pero é un mal político. A credibilidade política e os cidadáns non merecemos isto.

ADIANTO EN GALICIA

Rajoy quere evitar que as eleccións galegas se vexan contaminadas por un posible rescate.
O adianto das eleccións galegas para que o 21 de outubro coincidan coas vascas responde á necesidade do presidente Mariano Rajoy de resolver canto antes unha contenda electoral que, de alongarse ata o próximo ano, podería verse contaminada polas posibles medidas de axuste que esixiría, de producirse, un rescate da economía española. Dende este punto de vista, é unha decisión lexítima. Se os augurios dun outono quente, no político e no económico, se confirman, ningún partido no poder faría algo distinto. Supón, iso si, un contratempo para determinados plans do presidente da Xunta, Alberto Núñez Feijóo, entre eles a polémica reforma electoral coa que pretendía garantir a súa reelección. O obxectivo de Feijóo era reducir o número de escanos no Parlamento galego pola vía de minguar a representación das zonas urbanas, alí onde o PP sofre un servero retroceso en todas as sondaxes. Agora, sen prazo para iso, deberá empregarse a fondo para seguir no poder.
As eleccións galegas teñen sempre unha indiscutible lectura nacional. As de catro anos atrás, gañadas polo PP, salvaron a Rajoy dos que dende o seu propio partido dubidaban de que fose o candidato idóneo para as xerais de 2011. Os comicios do 21-0 serán a segunda cita coas urnas do PP dende a vitoria de líder popular. A primeira, en Andalucía, resultou un fracaso. Naquela ocasión, o Goberno atrasou os Presupostos para evitar desgastar o seu candidato, Javier Arenas. Non serviu de nada. Esta vez non caben xogos dese tipo. Os tempos, ademais, dependen tamén de Bruxelas e de Berlín. De aí a présa de Rajoy. Un exemplo: calquera rebaixa nas pensións por esixencia da Unión Europea podería ter un efecto desvastador entre o electorado de Galicia, unha comunidade cunha poboación máis envellecida que a media española.

O presidente da Xunta elixiu o momento menos malo para os seus intereses. Aínda que algunhas enquisas o poñen ao fío de perder a maioría absoluta, con este adianto electoral sorprende a oposición co paso cambiado. Os socialistas galegos, en clara crise de liderado, pensaban dispoñer do tempo suficiente para elixir o seu candidato nunhas primarias. Agora será o comité nacional do PSdG quen designará a Pachi Vázquez o sábado próximo. O Bloque, pola súa banda, sufriu dúas escisións. Mentres, Esquerda Unida crece e UPyD non consegue afianzarse en Galicia. En todo caso, como no conxunto de España, é previsible unha maior fragmentación do voto, o que dificultará a formación dun goberno se Feijóo perde a maioría absoluta. Fronte ao PP hai unha esquerda atomizada. E esta é a mellor baza para Feijóo. Gañe quén gañe, terá que xestionar axustes duros, especialmente en materias como Sanidade e Educación. Unha tarefa que requirirá políticos capaces. As urnas terán a palabra.